UFC'ning o‘rta vazn toifasi (84 kg) chempioni, 31 yoshli mag‘lubiyatsiz jangchi Hamzat Chimayev yuqori vaznga ko‘tariladi va 11-aprel kuni Mayamida bo‘lib o‘tadigan UFC 327 turnirining asosiy jangida Irji Proxazka bilan to‘qnash kelishi mumkin.

Qayd etilishicha, jangda yarim og‘ir vazn toifasidagi vakant (bo‘sh turgan) chempionlik kamari o‘rtaga qo‘yiladi. E’tiborlisi, ushbu xabarlar fonida Chimayev o‘zining X sahifasida “205” sonini yozib qoldirdi. Bu uning 205 funtlik (yarim og‘ir vazn) toifaga o‘tayotganiga ishora bo‘lishi mumkin.

Shu bilan birga, yarim og‘ir vazn toifasining amaldagi chempioni Aleks Pereyra qachon va qayerda jang qilishi hozircha noma’lum. Avvalroq uning og‘ir vazn toifasida Jon Jons bilan "Oq uy"da jang qilishi mumkinligi, shu sababli “Poatan” yarim og‘ir vazn toifasi kamarini vakant qoldirgani haqida ma’lumotlar tarqalgan edi.