Пеп Гвардиола АПЛ доирасида "Ньюкасл"га (2:1) қарши ўйинни якунлади.
"Жуда муҳим ғалаба. "Ньюкасл" - Гордон, Эланга, Барнс ва бошқалар берадиган жисмоний кўрсаткичлар ва ҳужумдаги тезликни ҳисобга олсак, ажойиб жамоа. Унга қарши жуда қийин, аммо биз ақл бовар қилмайдиган ўйин ўтказдик.
Бугун биз ғалаба қозондик. "Тоттенхэм" билан дуранг ўйнаганимизга кўп бўлмади. Қадам-бақадам юрамиз.
Футболчиларимизнинг 70 фоизи ҳеч қачон бундай вазиятда ўйнамаган. Бундай қўллаб-қувватлаш қолган ҳар бир ўйинда, айниқса, ўйин тугашига 5 тур қолганида уйда бўлишини биламиз. Бугун бу мавсумдаги энг яхши қўллаб-қувватлаш бўлди", - деди "Манчестер Сити" бош мураббийи.
