Ярим ҳимоячи Жуд Беллингем ва ҳимоячи Эдер Милитао жароҳатдан тикланиш жараёнини давом эттиришмоқда. Инглиз ва бразилиялик футболчилар навбатдаги муҳим қадамни ташлашди — улар тўп билан ишлашни бошлашди. Бу ҳақда "The Touchline" хабар бермоқда. Ушбу янгилик "Реал" ва унинг мухлислари учун ижобий кўрсаткичдир.
Жуд Беллингем сўнгги бор "Реал" сафида 1 февраль куни, Эдер Милитао эса 7 декабрь куни майдонга тушган эди.
"Реал" навбатдаги ўйинини чоршанба, 25 февраль куни Чемпионлар лигасининг ўтиш босқичи доирасида ўз майдонида "Бенфика"га қарши ўтказади.
Ҳозирги вақтда "Реал" Ла Лига турнир жадвалида иккинчи ўринни эгаллаб турибди. Альваро Арбелоа жамоаси "Барселона"дан бир очкога ортда қолмоқда.
