Трансферлар мавсуми яқинлашмоқда ва «Реал Мадрид» таркибида жиддий ўзгаришлар юз бериши мумкин. Матбуот анжуманлари ва хабарларда анчадан бери ҳужумчи Родригонинг жамоани тарк этиши мумкинлиги муҳокама қилинмоқда, чунки янги мавсумда унинг жамоадаги роли бироз пасайган.
"Реал" раҳбарияти Родригони ўзларининг „энг яхши сотиладиган активи“ деб ҳисобламоқда. Футболчига АПЛ клублари томонидан жиддий қизиқиш бор", — деб хабар бермоқда The Touchline нашри.
25 ёшли Родригонинг қиймати нуфузли Transfermarkt портали томонидан 60 миллион еврога баҳоланган. Бразилиялик футболчининг амалдаги шартномаси 2028 йилнинг ўрталарига қадар давом этади.
2025/2026 йилги мавсумда Родриго 26 та ўйинда майдонга тушиб, ўз ҳисобига 3 та гол ва 6 та голли узатмани ёздириб қўйди.
