Венсан Компани 2024 йил ёзида «Бавария» бошқарувини қўлга олганида, кўплаб экспертлар унинг тажрибасизлигини танқид қилишган эди.
Бироқ бельгилиялик мутахассис барчани лол қолдириб, жамоани требль учун курашга қайтарди.
Жаҳон чемпиони Сами Хедиранинг фикрича, Компанининг муваффақияти унинг жасорати билан боғлиқ.
«Харажатлар қисқартирилгани Леннарт Карл каби истеъдодларга йўл очди. Агар клуб Сане ёки Мюллер ўрнига 50 миллион евролик юлдузларни сотиб олганида, балки Карлнинг ютуқлари ҳақида гапирмаётган бўлардик. Бу ерда футболчининг меҳнати билан бирга, унга ишонган Компанининг ҳам хизмати катта», — дейди Хедира.
