Мадриднинг «Реал» клуби ярим ҳимоячиси Орельен Тчуамени Чемпионлар лигаси плей-офф босқичи доирасидаги «Бенфика»га (2:1) қарши жавоб учрашувидан сўнг интервью берди.

Франциялик футболчи учрашувнинг энг яхши ўйинчиси деб топилди. 16-дақиқада хавбек рақиб дарвозасини ишғол қилди — бу унинг бутун фаолияти давомида Чемпионлар лигасида урган илк голи бўлди.

«Биз ўйинни ёмон бошладик, лекин ўзимизга бўлган ишончни сақлаб қолдик. Кейинчалик ишлар яхшилана бошлади. «Кастилья»дан келган ёш футболчилар ўзларини жуда яхши кўрсатишди.

Чигал ёзди машғулотлари пайтида бир нечта гол ургандим. Ўйин бошланишидан олдин бугун гол уришим мумкинлиги ҳақида гаплашгандик ва якунда буни уддаладим. Арбелоа мендан доимий равишда олдинга ўтишни ва дарвозага зарба беришни сўрайди», — деди Тчуамени ўйиндан кейинги интервьюсида.

Икки ўйин натижасига кўра «қаймоқранглилар» 3:1 ҳисобида устун келишди.