Madridning «Real» klubi yarim himoyachisi Orelyen Tchuameni Chempionlar ligasi pley-off bosqichi doirasidagi «Benfika»ga (2:1) qarshi javob uchrashuvidan so‘ng intervyu berdi.

Fransiyalik futbolchi uchrashuvning eng yaxshi o‘yinchisi deb topildi. 16-daqiqada xavbek raqib darvozasini ishg‘ol qildi — bu uning butun faoliyati davomida Chempionlar ligasida urgan ilk goli bo‘ldi.

«Biz o‘yinni yomon boshladik, lekin o‘zimizga bo‘lgan ishonchni saqlab qoldik. Keyinchalik ishlar yaxshilana boshladi. «Kastilya»dan kelgan yosh futbolchilar o‘zlarini juda yaxshi ko‘rsatishdi.

Chigal yozdi mashg‘ulotlari paytida bir nechta gol urgandim. O‘yin boshlanishidan oldin bugun gol urishim mumkinligi haqida gaplashgandik va yakunda buni uddaladim. Arbeloa mendan doimiy ravishda oldinga o‘tishni va darvozaga zarba berishni so‘raydi», — dedi Tchuameni o‘yindan keyingi intervyusida.

Ikki o‘yin natijasiga ko‘ra «qaymoqranglilar» 3:1 hisobida ustun kelishdi.