Супер оғир вазн тоифасидаги Британиялик боксчи, собиқ жаҳон чемпиони Даниэль Дюбуа украиналик чемпион Александр Усикдан учраган мағлубияти унга қандай таъсир қилгани ҳақида гапирди. Боксчининг сўзларидан talkSPORT Boxing иқтибос келтирмоқда.
— Усикдан учраган мағлубиятни қандай қабул қиласиз? Жангчи сифатида бунга ёпишиб қолмасликка қандай эришасиз?
— Мен бунга ёпишиб қолганим йўқ. Бу ўтмишда қолди. Мен бунга ҳатто ундай назар билан қарамайман ҳам. Бу — ўтмиш. Энди мен Уордли билан жанг қилмоқчиман.
Эслатиб ўтамиз, Усик ва Дюбуа ўртасидаги иккинчи жанг 2025 йилнинг июль ойида бўлиб ўтган эди. Ўшанда украиналик спортчи рақибини 5-раундда нокаутга учратиб, ғалаба қозонган эди.
