«Бавария» бош мураббийи Венсан Компани ҳужумчи Харри Кейн Бундеслиганинг эртанги «Боруссия Мёнхенгладбах»га қарши учрашувини ўтказиб юборишини маълум қилди.

«Харри Кейн эртага ўйнамайди. У болдир қисмидан зарба қабул қилиб олган ва ҳали тўлиқ тиклангани йўқ. Бу шунчаки енгил лат ейиш, яқин келажак учун хавотирли эмас, лекин у яна бир кун бизга қўшила олмаслиги мумкин. Биз бу борада анча хотиржаммиз. Албатта, Кейн сафимизда бўлишини истардик, лекин футболда бундай ҳолатлар учраб туради», — деди Компани матбуот анжуманида.

Жорий мавсумда Харри Кейн «Бавария» сафида барча мусобақаларда 37 та ўйинда майдонга тушиб, ўз ҳисобига 45 та гол ва 5 та голли узатмани ёздириб қўйган.