ФИФА президенти Жанни Инфантино Парижга ташриф буюриб, у ерда Франция президенти Эммануэль Макрон билан учрашди.
Ушбу учрашув АҚШ, Канада ва Мексика мезбонлик қиладиган жаҳон чемпионати бошланишига уч ой қолганда бўлиб ўтди. Томонлар футболнинг жамиятдаги роли ва бўлажак турнир ташкилотчилигини муҳокама қилишди.
«Бу бутун дунёни қувончли лаҳзаларда бирлаштириш учун идеал имкониятдир», — деб таъкидлади Инфантино ЖЧ-2026 ҳақида гапирар экан.
ФИФА раҳбари ташкилотнинг Париждаги офисига ҳам ташриф буюрди ва француз ваколатхонаси ходимлари билан учрашди. Париждаги қароргоҳ биноси узра ФИФА байроғи юксалтирилди.
