8 март тонгида Вашингтон шаҳридаги «Ауди Филд» стадионида МЛС мунтазам чемпионатининг навбатдаги учрашуви бўлиб ўтди. Унда «Ди-Си Юнайтед» ҳамда «Интер Майами» жамоалари тўқнаш келди. Меҳмонлар 2:1 ҳисобида ғалаба қозонди.
Ғолиб жамоа сафида аргентиналик юлдузлар — Родриго Де Пауль ва Лионель Месси гол урди. Майдон эгалари таркибида эса ягона голга Тай Барибо муаллифлик қилди.
Машҳур уругвайлик ҳужумчи Луис Суарес учрашув қайдномасига киритилган бўлса-да, ўйинни захира ўриндиғида бошлади.
Учта турдан сўнг «Интер Майами» 6 очко билан Шарқий конференцияда учинчи ўринни эгаллаб турибди. Пойтахт жамоаси эса шунча ўйиндан кейин 3 очко тўплаб, Шарқда еттинчи поғонада бормоқда.
Кейинги турда «Ди-Си Юнайтед» сафарда «Чикаго Файр» билан ўйнайди, «Интер Майами» эса меҳмонда «Шарлотт»га қарши майдонга тушади. Ҳар икки учрашув 15 март куни бўлиб ўтади.
МЛС. 2026 йил 8 март, якшанба.
«Ди-Си Юнайтед» (Вашингтон) — «Интер Майами» (Майами) — 1:2
Голлар: 0:1 — Родриго Де Пауль, 17, 0:2 — Лионель Месси, 27, 1:2 — Тай Барибо, 75













