Мадриднинг "Реал" клуби марказий ҳимоячиси Антонио Рюдигер мавсум якунланганидан кейин Лондонга қайтиши мумкин.
"Қироллик клуби" 33 ёшли "Челси" собиқ футболчиси билан шартномани узайтиришга шошилмаяпти, шу сабабли у июль ойидаёқ эркин агентга айланиши мумкин. Football Insider маълумотларига кўра, Рюдигерни ўз сафига қўшиб олишга "Арсенал" қизиқиш билдирмоқда. "Канонирлар" вакиллари немис футболчисининг тажрибаси ва етакчилик фазилатлари жамоага катта ёрдам беради, деб ҳисоблашмоқда.
Антонио Рюдигер 2022 йилнинг ёзида "Челси"дан "Реал"га кўчиб ўтган эди. "Кўклар" сафида тўп сурган вақтида футболчи Премьер-лигада 133 та ўйин ўтказиб, 9 та гол ва 3 та голли узатмани амалга оширган.
