Мадриднинг «Реал» клуби ҳимоячиси Трент Александр-Арнольд жамоадаги фаолияти ҳақида ўз фикрлари билан ўртоқлашди.
«Бошида менда бир нечта жароҳатлар бўлди, аммо спорт формамни тиклаганимдан бери... Бу ер менга жуда ёқмоқда. Биринчи дақиқаданоқ ҳамма нарсадан мамнунман. Бу — амалга ошган орзу. Мен қўлимдан келганча мослашишга ҳаракат қиляпман», — дея Трентнинг сўзларини келтиради Madrid Zone.
Эслатиб ўтамиз, Александер-Арнольд ўтган ёзда «Ливерпуль»дан кўчиб ўтиб, «Реал» футболчисига айланган эди. 27 ёшли ҳимоячи «қаймоқранглилар» билан 2031 йилгача мўлжалланган меҳнат шартномасини имзолаган.
