Мадриднинг «Реал» клуби бош мураббийи Альваро Арбелоа Ла Лига доирасидаги «Эльче»га қарши бўлажак ўйинда таркибда ротация амалга оширишни режалаштирмоқда.

27-тур баҳси шу шанба куни, «қаймоқранглилар»нинг Чемпионлар лигасида «Манчестер Сити» билан учрашувидан атиги уч кун ўтиб бўлиб ўтади. Келаси сешанба куни эса мадридликлар «шаҳарликлар» билан сафарда жавоб ўйинини ўтказишади, шу сабабли «Эльче» билан баҳсда кўплаб етакчиларга дам берилади. «Marca» нашрининг маълумотларига кўра, гап Антонио Рюдигер, Трент Александер-Арнольд, Орельен Тчуамени, Федерико Вальверде ва Тибо Куртуа ҳақида кетмоқда. Асосий таркибда Даниэль Карвахаль, Мануэль Анхель, Гонсало Гарсия, Фран Гарсия ва Андрей Лунин майдонга тушиши кутилмоқда.

«Реал» ва «Эльче» ўртасидаги учрашув Тошкент вақти билан якшанбага ўтар кечаси соат 01:00 да бошланади.