Madridning «Real» klubi bosh murabbiyi Alvaro Arbeloa La Liga doirasidagi «Elche»ga qarshi bo‘lajak o‘yinda tarkibda rotasiya amalga oshirishni rejalashtirmoqda.
27-tur bahsi shu shanba kuni, «qaymoqranglilar»ning Chempionlar ligasida «Manchester Siti» bilan uchrashuvidan atigi uch kun o‘tib bo‘lib o‘tadi. Kelasi seshanba kuni esa madridliklar «shaharliklar» bilan safarda javob o‘yinini o‘tkazishadi, shu sababli «Elche» bilan bahsda ko‘plab yetakchilarga dam beriladi. «Marca» nashrining ma’lumotlariga ko‘ra, gap Antonio Ryudiger, Trent Aleksander-Arnold, Orelyen Tchuameni, Federiko Valverde va Tibo Kurtua haqida ketmoqda. Asosiy tarkibda Daniel Karvaxal, Manuel Anxel, Gonsalo Garsiya, Fran Garsiya va Andrey Lunin maydonga tushishi kutilmoqda.
«Real» va «Elche» o‘rtasidagi uchrashuv Toshkent vaqti bilan yakshanbaga o‘tar kechasi soat 01:00 da boshlanadi.
