Fanatik nashrining xabar berishicha, «Fenerbaxche»ning futbol bo‘yicha mutasaddisi Jihan Kamer «Real Madrid» hujumchisi Endrikning transferi bo‘yicha muzokaralar o‘tkazish uchun Madridga uchib ketishni rejalashtirmoqda.
Turkiya grandi braziliyalik hujumchini o‘z taklifini qabul qilishga ko‘ndirish uchun faol harakat qilmoqda.
Karlos Espining «Levante»dan kelib qo‘shilishidan so‘ng 20 yoshli Endrikning «Santyago Bernabeu»dagi kelajagi so‘roq ostida qoldi. Bosh murabbiy Joze Mourinyo Espini Kilian Mbappega o‘rinbosar sifatida ko‘rmoqda va braziliyalik futbolchiga yetarli o‘yin amaliyotini kafolatlay olmayapti.
Shu sababli Endrikning jamoani tark etishi haqidagi mish-mishlar tobora avj olmoqda va yosh hujumchi yaqin orada o‘z kelajagi bo‘yicha bir qarorga kelishi kutilmoqda.
Eslatib o‘tamiz, u o‘tgan mavsumning ikkinchi yarmini ijara asosida «Lion»da o‘tkazib, o‘z salohiyatini yuqori darajada namoyish etgan edi.
