«Barselona»ning sobiq futbolchisi, hozirda CBS Sports eksperti sifatida faoliyat yuritayotgan Tyerri Anri kataloniyaliklarning yangi futbolchisi Rodri Ernandes haqida fikr bildirdi.

«Men hech qachon yana bir Busketsni ko‘raman deb o‘ylamagan edim. Ammo hozir uni ko‘ryapman. «Barselona» yana bir Busketsga ega bo‘ldi. Undan yaxshiroqmi yoki yo‘qmi — bu alohida bahs», — deya Anrining so‘zlarini Mundo Deportivo keltiradi.

Fransiyalik mutaxassis Rodrining «Barselona» 5:0 hisobida g‘alaba qozongan «Valensiya»ga qarshi so‘nggi o‘yiniga ham alohida to‘xtaldi.

«U qanotdagi futbolchiga pressing qilgan paytda darhol podkatga tashlanmaganini ko‘rdingizmi? U raqibdan qariyb ikki metr uzoqlikda to‘xtadi, vaziyatni baholadi, jamoadoshlariga pozisiyalarini tiklab olish imkonini berdi, keyin markazga qaytdi, to‘pni qabul qildi va uni maydonning boshqa tomoniga o‘tkazdi.

U o‘ziga xos futbolchi va biz buni yaxshi bilamiz. U yaxshi jismoniy holatini saqlab qolishiga umid qilaman», — dedi Anri.

Rodri o‘tgan yozda «Manchester Siti»dan «Barselona»ga 60 million yevro evaziga ko‘chib o‘tgan.