Мадриднинг «Атлетико» клуби спорт директори Матеу Алемани Хулиан Альвареснинг жамоадан кетиши мумкинлиги ҳақидаги миш-мишлар юзасидан навбатдаги бор муносабат билдирди.
«Матрасчилар» ҳужумчисини бошқа клублар билан боғлашда давом этишмоқда. Аргентиналик футболчи учун асосий даъвогар сифатида ҳамон «Барселона» тилга олинмоқда.
«Хулиан биз билан қолади. Унинг шартномаси бор, у билан ҳеч қандай муаммо йўқ. Одамлар йўқ жойдан ҳар хил воқеаларни тўқиб чиқаришмоқда. Альварес «Атлетико»да бахтли эканлигини очиқ-ойдин таъкидлаган. Биз унинг ўйинидан жуда мамнунмиз ва у бу ерда ҳали кўп йиллар — ҳатто амалдаги шартномасида кўрсатилганидан ҳам кўпроқ вақт қолишига умид қиламиз», — дея Barca Universal Алеманининг сўзларини келтиради.
Хулиан Альвареснинг «Атлетико» билан тузган меҳнат шартномаси 2030 йилгача мўлжалланган бўлиб, Transfermarkt порталида унинг нархи 100 млн евро этиб белгиланган.
