Яқинда Финалиссима бекор қилингани расман эълон қилинди. Аргентина ва Испания терма жамоалари кубок учун кечадиган баҳсни бошқа манзилда ўтказиш бўйича ўзаро келишувга эриша олмади. Дастлаб ўйинга мезбонлик қилиши керак бўлган Қатарда эса ҳозирги вақтда хавфсизлик даражаси талабга жавоб бермайди.
Ижтимоий тармоқларда журналист Гастон Эдулнинг хабар беришича, Финалиссима ўрнига Аргентина терма жамоаси Гватемалага қарши ўртоқлик учрашувида майдонга тушади. Ўйин 31 март кунига белгиланган. Баҳс қайси стадионда ўтказилиши тез орада маълум қилинади.
Маълумки, шу йилнинг ёзида Аргентина терма жамоаси Жаҳон чемпионатида иштирок этади ва ўз унвонини ҳимоя қилади. Мундиалга АҚШ, Канада ва Мексика давлатлари мезбонлик қилади.













