«Реал Мадрид» ярим ҳимоячиси Дани Себальос ёзги трансфер ойнасида жамоани тарк этишга қарор қилди.

Marca нашрининг ёзишича, футболчининг кам ўйин амалиётига эга бўлаётгани, майдондаги беқарорлиги ва тез-тез жароҳат олиши вазиятни «орқага йўл йўқ» нуқтасига олиб келган. 29 ёшли испаниялик футболчининг «қироллик клуби» билан амалдаги шартномаси 2027 йилгача мўлжалланган. «Мадрид» уни текинга қўйиб юбормоқчи эмас ва муносиб таклиф кутмоқда.

Ярим ҳимоячи ҳамон «Бетис»ни ўзи учун асосий вариант деб ҳисоблайди. Бироқ трансфернинг амалга ошиши молиявий шартлар, маошлар лимити ва «қаймоқранглилар»нинг оқилона товон пулига рози бўлишига боғлиқ бўлади.

Ҳозирда футболчи февраль ойи охирида олган жароҳатидан сўнг майдонга қайтишга эътибор қаратган. Сўнгги ҳафталарда Дани умумий гуруҳ машғулотларида қисман иштирок эта бошлади, аммо унинг соғайиши жамоадаги роли ўзгаришига кафолат бермайди.