АҚШ ва Бельгия терма жамоалари ўртасидаги назорат учрашуви якунланди. Унда Европа вакиллари 5:2 ҳисобида ғалаба қозонди. Уйин Атланта шаҳридаги «Мерседес-Бенц Стэдиум»да бўлиб ўтди.

Уэстон Маккенни 39-дақиқада ҳисобни очиб, АҚШни олдинга олиб чиққан эди. 45-дақиқада Зено Дебаст ҳисобни тенглаштирди, 53-дақиқада эса Амаду Онана меҳмонларни олдинга олиб чиқди. 59-дақиқада Шарль Де Кетеларе пенальтини аниқ амалга оширди. 68-дақиқада Доди Лукебакио гол урди, 82-дақиқада эса дубль қайд этди. 87-дақиқада Патрик Агьеманг АҚШнинг иккинчи голига муаллифлик қилди.

2026 йилги жаҳон чемпионатида АҚШ D гуруҳида Парагвай, Австралия ва кейинроқ маълум бўладиган яна бир жамоа билан ўйнайди. Бельгия эса гуруҳ босқичида Миср, Эрон ва Янги Зеландияга қарши майдонга тушади.

Ўртоқлик учрашуви.
АҚШ — Бельгия — 2:5
Голлар: Маккенни, 39 (1:0), Дебаст, 45 (1:1), Онана, 53 (1:2), Де Кетеларе, 59 (пенальти, 1:3), Лукебакио, 68 (1:4), Лукебакио, 82 (1:5), Агьеманг, 87 (2:5)