«Ливерпуль»нинг собиқ мураббийи Юрген Клопп клуб келажагини кузатишда давом этмоқда ва таркибни кучайтириш бўйича ўз таклифини берди. The Sun нашрининг хабарига кўра, германиялик мутахассис жамоа раҳбариятига «РБ Лейпциг»нинг ивуарлик вингери Ян Диоманде билан шартнома имзолашни тавсия қилган.

Клоппнинг фикрича, 24 ёшли футболчи мерсисайдликлар клубини тарк этиш ниятини эълон қилган Муҳаммад Салоҳнинг идеал вориси бўла олади. Манбага кўра, Диоманде Бундеслигада мавсум кашфиёти сифатида ўзини кўрсатди ва ўз вақтида Салоҳни жаҳон футболи юлдузига айлантирган фазилатларни намойиш этмоқда. Клопп ёш футболчининг ақл бовар қилмас тезлиги, ҳимоячиларни яккама-якка вазиятда алдаб ўтиш қобилияти ва ўнг қанотдан марказга кўчиб ўтишдаги юқори самарадорлигига тўлиқ ишонч билдирмоқда.

Жорий мавсумда Диоманде «РБ Лейпциг» сафида 29 та ўйинда майдонга тушиб, 11 та гол урди ва саккизта голли узатмани амалга оширди. Transfermarkt портали футболчини 75 миллион еврога баҳоламоқда.