Миланнинг «Интер» клуби Саудия Арабистонининг «Ал-Иттиҳод» жамоаси вингери Мусса Диабини ўз сафига қўшиб олишга қизиқиш билдирмоқда.

Жидда клуби мавсум якунида «Ливерпуль»ни тарк этадиган Муҳаммад Салоҳга асосий даъвогарлардан бири ҳисобланади. Gazzetta dello Sport нашрининг хабар беришича, агар мисрлик футболчи жамоага келса, Диаби катта эҳтимол билан сотувга қўйилади. Бундай ҳолатда «Интер» 26 ёшли франциялик футболчини ўз томонига оғдириб олишга ҳаракат қилади.

Transfermarkt портали баҳосига кўра, Диабининг бозор қиймати 28 миллион еврони ташкил этади. Футболчи Саудия Арабистонига 2024 йилнинг ёзида Англиянинг «Астон Вилла» клубидан 60 миллион евро эвазига кўчиб ўтган эди.