Яқинда мавсум якунлангач, "Ливерпуль" ва Муҳаммад Салоҳнинг йўллари айрилиши эълон қилинган эди. Мисрлик ҳужумчи тўққиз йиллик фаолиятидан сўнг клубни тарк этади.
The Touchline нашри хабарига кўра, Салоҳнинг ўрнини босиш учун "Ливерпуль"нинг асосий нишони "Бавария" футболчиси Майкл Олисе бўлиб қолмоқда. Мерсисайд клуби мюнхенликларга Олисе бўйича молиявий жиҳатдан анча салмоқли таклиф тайёрламоқда. Футболчининг ўзига эса "қизиллар" узоқ муддатли шартнома таклиф қилишади.
24 ёшли Майкл Олисе нуфузли Transfermarkt портали мутахассислари томонидан 140 миллион еврога баҳоланмоқда. Футболчи илгари Англияда "Рединг" ва "Кристал Пэлас" клубларида тўп тепган.
