«Челси» ярим ҳимоячиси Энцо Фернандес футбол майдонида рақибларидан ким уни кўпроқ ҳайратда қолдиргани ҳақидаги саволга жавоб берди.
"Тони Кроос. Бу "Бернабеу"да бўлиб ўтган "Реал" ва "Челси" ўртасидаги учрашув эди. Кроос шунчаки даҳшатли ўйин кўрсатганди. Шунингдек, Лука Модрич ҳам", — дея Фернандеснинг сўзларини келтирмоқда The Touchline нашри.
Бундан аввалроқ, 25 ёшли Энцо Фернандес ЖЧ–2026 дан сўнг «Челси»ни тарк этиш имкониятини кўриб чиқишга тайёрлигига шаъма қилган эди. Матбуот аргентиналик хавбекни Мадриднинг «Реал» клуби билан боғламоқда.
Нуфузли Transfermarkt портали Энцо Фернандесни 90 миллион еврога баҳоламоқда. Футболчининг «Челси» билан амалдаги шартномаси 2032 йилнинг ўрталарига қадар мўлжалланган.
