Европа футбол ассоциациялари иттифоқи (УЕФА) президенти Александер Чефериннинг таъкидлашича, агар мамлакат расмийлари спорт инфратузилмасини модернизация қилиш муаммосини ҳал этмаса, Италия 2032 йилги Европа чемпионатини ўтказиш ҳуқуқидан маҳрум бўлиши мумкин.
— 2032 йилда Италияда Европа чемпионати бўлиб ўтиши керак, аммо у ердаги стадионлар билан боғлиқ вазиятни «мураккаб» сўзидан бошқача таърифлаб бўлмайди...
— Италиялик сиёсий етакчилар, эҳтимол, нима учун Италияда Европадаги энг ёмон футбол инфратузилмаларидан бири эканлиги ҳақида ўзларига савол беришлари керакдир. Евро-2032 режалаштирилган ва у албатта ўтказилади. Умид қиламанки, инфратузилма тайёр бўлади. Акс ҳолда, турнир Италияда бўлиб ўтмайди, — дея Чефериннинг сўзларини келтиради La Gazzetta dello Sport нашри.
