Лондоннинг «Арсенал» клуби ҳужумчиси Габриэль Жезус жамоадоши Макс Доуман ҳақида ўз фикрларини билдирди.

Ёш вингер «канонирлар» сафида 15 ёшида дебют қилган бўлса, 16 ёшида Премьер-лига тарихидаги энг ёш гол муаллифига айланди.

«Мен 15 ёшимда кўчада футбол ўйнардим, Макс бўлса аллақачон Чемпионлар лигаси ва АПЛда майдонга тушмоқда. Бу шунчаки ақл бовар қилмас ҳолат. У гол урган ўйиндан сўнг мен ундан: "Мактабда ишларинг қалай?" деб сўрадим. Бразилияда бундай воқеадан кейин мактабга боришнинг иложи бўлмасди. У шубҳасиз жуда иқтидорли», — дея инглиз ОАВлари Жезуснинг сўзларини келтирмоқда.

Тез орада Макс Доуман Англия чемпионига ҳам айланиши мумкин — ҳозирда «Арсенал» турнир жадвалида пешқадамлик қилмоқда ва «Манчестер Сити»дан тўққиз очко олдинда бормоқда.