«Бавария» Германия чемпионатининг 28-тури доирасида сафарда «Фрайбург»ни 3:2 ҳисобида мағлуб этди. Учрашув «Европа-парк-Штадион» аренасида бўлиб ўтди.
Мюнхенликлар 80-дақиқагача 0:2 ҳисобида имкониятни бой бераётган эдилар.
«Фрайбург» таркибида голларни Йохан Манзамби (46-дақиқа) ва Лукас Хелер (71-дақиқа) киритишди. Мюнхенликлардан Том Бишоф дубль қайд этди (81 ва 90+2-дақиқалар), 90+9-дақиқада эса 18 ёшли Леннарт Карль ғалаба голини урди.
20 ёшли Бишоф учун бу клуб сафидаги дастлабки голлар бўлди.
«Бавария» 73 очко жамғарган ҳолда Бундеслига турнир жадвалида пешқадамликни давом эттирмоқда. «Фрайбург» эса 37 очко билан саккизинчи ўринни эгаллаб турибди.
Германия Бундеслигаси. 28-тур
04.04.2026 | 18:30
«Europa-Park Stadion», Фрайбург
«ФРАЙБУРГ» — «БАВАРИЯ» — 2:3
Голлар: Манзамби 46’ (1:0), Лукас Хелер 71’ (2:0), Том Бишоф 81’ (2:1), Том Бишоф 90+2’ (2:2), Карл 90+9’ (2:3).
«Фрайбург»: Ноа Атуболу, Филипп Линхарт, Маттиас Гинтер, Кристиан Гюнтер (Лукас Кюблер, 65), Трой, Максимилиан Эггештайн, Манзамби (Ирье, 78), Судзуки (Николас Хефлер, 90), Шерхант, Ян-Никлас Бесте (Игор Матанович, 78), Лукас Хелер (Огбус, 89).
«Бавария»: Мануэль Нойер, Ким Мин Жэ (Альфонсо Дэвис, 87), Жонатан Та (Конрад Лаймер, 56), Том Бишоф, Йосип Станишич, Йозуа Киммих, Леон Горецка (Александар Павлович, 56), Рафаэль Геррейру (Майкл Олисе, 56), Луис Диас, Карл, Серж Гнабри (Жамал Мусиала, 65).
Огоҳлантиришлар: Жонатан Та (25), Маттиас Гинтер (29), Майкл Олисе (73), Ноа Атуболу (90), Карл (90).
