«Манчестер Юнайтед» ва Англия терма жамоасининг собиқ ҳимоячиси Рио Фердинанд ижтимоий тармоқларда «Барселона» ҳужумчиси Ламин Ямаль ҳақида ижобий фикр билдириб, унинг ўйин ва шахсий сифатларини таъкидлади.

«Ламин Ямал менинг футболга нисбатан муҳаббатимни яна уйғотди. Марадона, Рикельме, Верон — айнан шу одамлар учун мен футболни яхши кўраман: улар рақибларга чақириқ ташлаб, шунчалик ҳайратланарли ишлар қиладилар, рискка борадилар! Ламин Ямаль шу гуруҳга киради, у шоу кўрсатишга интилади. Агар ҳозирги энг яхши футболчилар ҳақида сўз борса, Ямаль албатта бу суҳбатда тилга олинади.

Ва сиз билмаган нарса — менга унда яна нимаси ёқади? У фақат футболчи эмас. У ўз овози билан мусулмонларга нисбатан ҳақоратларга эътибор қаратишга ҳаракат қилади. Бу жасоратли ёш йигит. Бу тажрибали устоз эмас, 10 йиллик элит даражада ўйнаш тажрибасига эга эмас, балки 18 ёшли йигит, у қўрқмай «Мен буни қўлламайман, бу ирқчилик, одамлар буни тушуниши керак», — деб айтди», — деди Фердинанд.