«Наполи» спорт директори Жованни Манна жамоанинг бельгиялик марказий ҳужумчиси Ромелу Лукаку билан боғлиқ вазият юзасидан фикр билдирди.

«Биз Лукакуни жамоа ихтиёрига қайтишини сўраганимизда, у қайтмасликка қарор қилди. Футболчи жароҳатининг даражасини баҳолаш учун Бельгияда қолди. Клуб доимо биринчи ўринда бўлиши керак. Биз чора кўрамиз», — дея «Наполи» вакилининг сўзларини келтиради Фабрицио Романо ўзининг ижтимоий тармоқлардаги саҳифаларида.

2025/2026 йилги мавсумда бельгиялик ҳужумчи Неаполь клуби сафида бор-йўғи еттита ўйинда иштирок этди. Лукаку битта гол уришга муваффақ бўлди. Футболчи мавсумнинг катта қисмини соғлиғидаги муаммолар туфайли ўтказиб юборди.