"Барселона" бош мураббийи Ханс-Дитер Флик ҳимоячи Жоау Канселунинг келажаги ҳақида гапиришни истамади. Қишда "кўк-анорранглилар" Канселуни "Ал-Ҳилол"дан мавсум якунигача ижарага олган эди.
"Мен келажак ҳақида гапиришни хоҳламайман. Канселу терма жамоалар танаффуси вақтида Мексика ва АҚШда ўйнади ва ортга узоқ парвозни амалга оширди. Яқинда у жуда оғир ўйин ўтказди. У ажойиб сифатга эга ва бизга катта ёрдам бермоқда", — деди Флик матбуот анжуманида.
Шуни қўшимча қилиш керакки, 31 ёшли Жоау Канселу нуфузли Transfermarkt портали мутахассислари томонидан 9 миллион еврога баҳоланмоқда.
