«Барселона» ҳужумчиси Ферран Торрес «Эспаньол»га қарши кечган шанба кунги дербида (4:1) дубль қайд этиб, учрашув қаҳрамонларидан бирига айланди.
26 ёшли футболчи январь ойи охиридан бери илк бор гол урди — у учрашувнинг 9-дақиқасида ҳисобни очган бўлса, 25-дақиқада меҳмонлар дарвозасини иккинчи бор ишғол қилди. Ҳужумчининг жорий Ла Лига мавсумидаги голлари сони 14 тага етди — у илгари ҳеч қачон бир мавсум давомида ички чемпионатда бунчалик кўп гол урмаган эди. Унинг аввалги рекорди ўтган мавсумда ўрнатилган бўлиб, ўшанда ўнта гол қайд этганди.
«Кўк-анорранглилар» вакиллари орасида Ла Лигадаги голлар сони бўйича фақат Ламин Ямаль (15 та гол) Феррандан олдинда бормоқда. Тўпурарларнинг умумий рейтингида эса Торрес яна уч нафар футболчидан ортда қолмоқда — булар Килиан Мбаппе (23), Ведат Мурики (19) ва Анте Будимир (15).
