Мадриднинг «Реал» клуби президенти лавозимида фаолият юритаётган Флорентино Перес «қироллик клуби»нинг футбол тарихидаги аҳамияти ҳақида гапирди. «Реал» раҳбари Испания жамоасининг қўлга киритган кўплаб совринларига эътибор қаратиб, «қаймоқранглилар» эришилган ютуқлар билан тўхтаб қолмоқчи эмасликларини таъкидлади.
«Бу ерда ҳеч ким таслим бўлмаслигини яхши биласиз. Биз айнан «Реал» соҳиб бўлган спорт тарихидаги энг бой совринлар рўйхатини янада тўлдириш учун йилдан-йилга, энг сўнгги сониягача курашишда давом этамиз», — деди Перес.
Айни дамда Альваро Арбелоа шогирдлари Ла Лига турнир жадвалида иккинчи ўринда боришмоқда ва пешқадам «Барселона»дан тўққиз очкога ортда қолмоқдалар.
