«ПСЖ» ҳужумчиси Усмон Дембеленинг келажаги ҳали номаълум бўлиб қолмоқда. Футболчи ва клуб шартномани узайтириш бўйича музокараларга шошилмаяпти. Унинг амалдаги меҳнат шартномаси 2027/2028 йилги мавсум охиригача амал қилади.
L’Equipe нашрининг хабар беришича, агар музокаралар муваффақиятсиз якунланса, Дембеле фаолиятини Англия Премьер-лигаси клубларидан бирида давом эттириши мумкин. Англия клубларининг молиявий имкониятлари Усмоннинг трансферини амалга оширишга имкон беради. Шунингдек, француз футболчисининг Саудия Арабистонига кўчиб ўтиш варианти ҳам истисно этилмаяпти.
Эслатиб ўтамиз, ўтган йили Усмон Дембеле «Олтин тўп» совринини қўлга киритган эди. Ҳозирда нуфузли Transfermarkt портали 28 ёшли французнинг трансфер қийматини 100 миллион еврога баҳоламоқда.
