«PSJ» hujumchisi Usmon Dembelening kelajagi hali noma’lum bo‘lib qolmoqda. Futbolchi va klub shartnomani uzaytirish bo‘yicha muzokaralarga shoshilmayapti. Uning amaldagi mehnat shartnomasi 2027/2028 yilgi mavsum oxirigacha amal qiladi.
L’Equipe nashrining xabar berishicha, agar muzokaralar muvaffaqiyatsiz yakunlansa, Dembele faoliyatini Angliya Premyer-ligasi klublaridan birida davom ettirishi mumkin. Angliya klublarining moliyaviy imkoniyatlari Usmonning transferini amalga oshirishga imkon beradi. Shuningdek, fransuz futbolchisining Saudiya Arabistoniga ko‘chib o‘tish varianti ham istisno etilmayapti.
Eslatib o‘tamiz, o‘tgan yili Usmon Dembele «Oltin to‘p» sovrinini qo‘lga kiritgan edi. Hozirda nufuzli Transfermarkt portali 28 yoshli fransuzning transfer qiymatini 100 million yevroga baholamoqda.
