«Барселона» сешанба куни Чемпионлар лигаси 1/4 финалининг жавоб учрашуви доирасида «Атлетико» меҳмони бўлади. Каталонияликлар олдида қийин вазифа турибди — ўз уйларида қабул қилинган 0:2 ҳисобидаги мағлубиятдан сўнг вазиятни ўнглашлари керак. Mundo Deportivo нашрининг хабар беришича, вингер Рафинья сешанба куни Мадридда «Барселона» жамоасига қўшилиши кутилмоқда. Бразилиялик футболчи майдонга туша олмайди — у ҳали ҳам жароҳатидан тикланиш жараёнида — бироқ у жамоа сафида бўлишни ва етакчи сифатида шерикларини қўллаб-қувватлашни истайди.
Эслатиб ўтамиз, Рафинья шу йилнинг март ойида Бразилия терма жамоаси ихтиёрида бўлган вақтида жароҳат олган эди. Унинг сафга қайтиши май ойида кутилмоқда.
«Атлетико» ва «Барселона» ўртасидаги баҳс сешанба куни, 14 апрель санасида бўлиб ўтади.
