"Интер" ҳимоячиси Алессандро Бастони "Барселона"га ўтиши мумкин. Журналист Решад Раҳманнинг маълумотига кўра, Каталония клуби Бастони трансфери бўйича Милан жамоаси билан алоқага чиқишни бошлаган. Ҳозирда ҳар икки томон музокараларни қандай давом эттиришни таҳлил қилмоқда.
Футболчининг ўзи "Барселона"га ўтишга тайёр. Эҳтимолий келишув маълум миқдордаги пул ва қўшимчасига "кўк-анорранглилар"нинг бир ўйинчисини ўз ичига олиши мумкин.
Жорий мавсумда Алессандро Бастони "Интер" сафида барча мусобақаларда 37 та ўйинда қатнашиб, иккита гол урди ва олтита голли узатмани амалга оширди. Ҳимоячининг миланликлар билан шартномаси 2028 йил 30 июнгача мўлжалланган.
