Осиё Чемпионлар лигаси 2 мусобақаси чорак финал босқичининг дастлабки учрашуви бўлиб ўтди. Унда Бирлашган Араб Амирликларининг «Ал-Васл» клуби ўз майдонида Саудия Арабистонининг «Ан-Наср» жамоасини қабул қилди.
Мазкур баҳсда меҳмонлар 0:4 ҳисобида ишончли ғалабани қўлга киритиб, ярим финал йўлланмасини нақд қилдилар.
Учрашувнинг 11-дақиқасида Наваф Ал-Бушалнинг узатмасидан сўнг Криштиану Роналду ҳисобни очган бўлса, 24-дақиқада Жоау Феликснинг пасидан кейин Иньиго Мартинес орадаги фарқни оширди. Орадан икки дақиқа ўтиб, Абдулила Ал-Амри яна бир бор мезбонлар дарвозасини ишғол этди. Бу вазиятда ҳам Феликс голли узатмага муаллифлик қилди. Учрашувнинг 80-дақиқасида Садио Мане якуний ҳисобни белгилади.
Эътиборли жиҳати, ушбу гол Криштиану Роналду учун фаолиятидаги 969-гол сифатида қайд этилди.
ОЧЛ-2. Чорак финал (илк баҳс) «Ал-Васл» – «Ан-Наср» – 0:4
Голлар: Роналду (11), Мартинес (24), Ал-Амри (26), Мане (80).
«Ал-Васл»: Али, Уго, Варета, Адриелсон, Малейру, Сидибе, Ганаэр, Сержиньо, Паласиос, Хименес, Борха.
«Ан-Наср»: Бенто, Симакан, Ал-Амри, Ал-Бушал, Мартинес, Мане, Брозович, Габриел, Коман, Феликс, Роналду.
