Бугун Пролига мусобақасининг 4-тур баҳслари ўтказилади. Тур доирасидан учта қарама-қаршилик ўрин олган бўлиб, уларнинг энг диққатга сазовори Қашқадарё дербисидир.
Куннинг дастлабки ўйинида «Лочин» жамоаси ўз майдонида «Шўртан»ни қабул қилади. Мазкур баҳс соат 16:30 да бошланади. Шунингдек, соат 18:00 да «Металлург» — «БухДУ» ҳамда «Яйпан» — «Жайхун» қарама-қаршиликларига старт берилади.
Ўзбекистон футбол ҳакамлари маркази мазкур ўйинларни бошқариб борадиган расмий шахслар рўйхатини эълон қилди:
«Лочин» – «Шўртан» Учрашувни Сардор Миродилов бошчилигидаги ҳакамлар бригадаси бошқариб боради. Унга қанотларда Александр Буров ва Алпамис Байниязов ёрдам беради. Назоратчи — Константин Смирнов, комиссар — Элбек Жўраев.
«Металлург» – «БухДУ» Мазкур баҳсда Шавкат Насибуллаев бош ҳакам сифатида ишлайди. Ёрдамчи ҳакамлар: Маҳмуд Рустамов ва Муҳаммадали Нурмаматов. Назоратчи — Мўминжон Мажидов, комиссар — Диёр Хотамқулов.
«Яйпан» – «Жайхун» Ушбу ўйинни Нурбек Шералиев бошқаради. Унга қанотларда Беҳруз Бердибеков ва Султонмурод Хожиев ассистентлик қилади. Назоратчи — Файзулло Ҳасанов, комиссар — Даврон Иброҳимов.
