Хабарларга кўра, «Наполи» марказий ҳимоячиси Жуан Жезус шартномаси муддати тугагач, катта эҳтимол билан жамоани тарк этади.
34 ёшли бразилиялик ҳимоячининг «Адзуррилар» билан амалдаги келишуви келаси йилнинг ёзида ниҳоясига етади ва унинг узайтирилиши кутилмаяпти.
Гарчи «Наполи» дастлаб шартномани янгилашни режалаштирган бўлса-да, кейинчалик клуб трансфер сиёсатини жамоани ёшартириш ва қайта қуриш йўналишига ўзгартирган.
Натижада, мавсум якунида нафақат Жуан Жезус, балки Леонардо Спинаццола ҳам жамоадан кетиши кутилмоқда. Спинаццоланинг қолиш эҳтимоли кам бўлса-да, ҳозирча янги шартнома бўйича ҳеч қандай келишувга эришилмаган.
«Наполи»нинг бу қарори клубни келажак учун янгилаш ва таркибни тубдан ислоҳ қилиш стратегиясининг бир қисми ҳисобланади.
