«Барселона» «Манчестер Юнайтед» ҳужумчиси Маркус Рэшфордни сотиб олиш ҳуқуқидан фойдаланмоқчи эмас, деб хабар бермоқда The Athletic.
Каталония клуби раҳбарияти футболчи жамоа ҳужумчиси Рафинья таркибда бўлмаган вақтларда берилган имкониятлардан етарлича фойдалана олмади, деб ҳисобламоқда. Ҳужумчи Чемпионлар лигаси 1/4 финали доирасидаги Мадриднинг «Атлетико» клубига қарши ўйинларда ўзига берилган сўнгги имкониятни ҳам бой берди. Эндиликда клуб ҳужум чизиғини кучайтириш учун бошқа вариантларни кўриб чиқишга тайёр.
Рэшфорд Каталония клубида ижара асосида тўп сурмоқда, унинг трансферини тўлиқ сотиб олиш суммаси эса тахминан 30 миллион еврони ташкил қилади.
Жорий мавсумда Рэшфорд «Барселона» сафида барча мусобақаларда 43 та учрашувда майдонга тушиб, 12 та гол урди ва 11 та голли узатмани амалга оширди.
