«Манчестер Юнайтед» ва «Ювентус» клублари собиқ ярим ҳимоячиси Поль Погба икки афсонавий хавбек — Андреа Пирло ва Пол Скоулзнинг ўйин услубларини ўзаро қиёслади.
«Пирло ва Скоулзни солиштириш? Скоулз анча агрессив эди, у кўплаб қизил карточкалар олган. Пирло эса услубий жиҳатдан ва хотиржам ҳаракат қиларди. Андреанинг ҳеч қачон рақибдан тўп олиб қўйиш учун курашга (подкатга) киришиб кетганини кўрмайсиз. Мен Пирлони кўпроқ Rolls-Royce’га, Скоулзни эса Lamborghini’га ўхшатган бўлардим», — деди Погба Рио Фердинанднинг подкастида.
Маълумот учун, Поль Погба 2012 йилдан 2015 йилгача «Ювентус»да Андреа Пирло билан бирга тўп сурган. Пол Скоулз билан эса 2011-2012 йилги мавсум давомида «Манчестер Юнайтед» сафида бирга ҳаракат қилган.
