«Спортинг» ва «Порту» жамоалари Португалия Кубоги ярим финалининг жавоб учрашувида 0:0 ҳисобида дуранг ўйнашди. Ўйин Портудаги «Драгау» стадионида бўлиб ўтди.

Учрашув давомида мезбонлар рақиб дарвозасига жами 16 та зарба йўллашди (шундан фақат 2 таси дарвоза соҳасига аниқ борди). Меҳмонлар эса бор-йўғи уч марта зарба беришди ва уларнинг фақат биттаси аниқ чиқди.

Баҳс якунида «аждарлар» бир киши кам бўлиб қолишди — ярим ҳимоячи Алан Варела 89-дақиқада қизил карточка олиб, майдонни тарк этди.

Дастлабки учрашувда «Спортинг» 1:0 ҳисобида ғалаба қозонгани сабабли, икки ўйин натижасига кўра Португалия Кубоги финалига йўл олди. Финалда уларга «Фафе» — «Торринсе» жуфтлиги ғолиби (биринчи ўйин — 1:1) рақиблик қилади.

Португалия Кубоги 1/2 финал | Жавоб ўйини

«Порту» — «Спортинг» — 0:0

Четлатиш: Варела (П), 89.

Биринчи ўйин — 0:1.