Афсонавий бразилиялик собиқ футболчи Кафу бўлажак Жаҳон чемпионати Криштиану Роналду фаолиятидаги охиргиси бўлишига шубҳа билдирмоқда. 41 ёшли ҳужумчи ўзининг олтинчи мундиал ўйинларига тайёргарлик кўрмоқда ва ушбу турнир унинг учун сўнггиси бўлиши тахмин қилинмоқда.
«Криштиану борасида бу унинг охирги турнири деб қатъий таъкидлаш ярамайди. У одатий қолиплар ва чегаралардан чиқа оладиган футболчи. Мен унда ўзим билан ўхшашликни кўраман: мен ҳам ҳеч қачон чегараларни кўрмаганман, доим ўзимдан ўзиб кетишга ва янада кўпроғини беришга интилганман. Роналдунинг бутун моҳияти мана шунда», — дея Кафунинг сўзларини келтиради Al Nassr Zone.
Португалия терма жамоаси ЖЧ-2026 гуруҳ босқичида Колумбия, Ўзбекистон ва ДР Конго терма жамоалари билан куч синашади.
