«Манчестер Сити» ярим ҳимоячиси Бернарду Силва клубини алмаштиришга тайёргарлик кўрмоқда. «Шаҳарликлар» сардори жорий мавсум якунидан сўнг эркин агентга айланади — муддати тугаётган шартнома узайтирилмайди.
Ҳозирги вақтда 31 ёшли футболчига «Ювентус», «Барселона», «Бенфика» ва «Галатасарой» клублари қизиқиш билдирмоқда. La Gazzetta dello Sport нашрининг маълумотларига кўра, хавбекнинг ўзи Турин ёки Каталонияга кўчиб ўтиш вариантларини афзал кўрмоқда. «Барселона»нинг португалиялик футболчига бўлган қизиқиши анчадан бери маълум бўлса, «Ювентус» яқин орада бу борада жиддий даъвогарга айланди.
Манбанинг таъкидлашича, «кекса синьора» вакиллари Силванинг агенти Жорже Мендеш билан доимий алоқада бўлиб туришибди.
