Каталониянинг «Барселона» жамоаси Испания чемпионатининг навбатдаги турида «Хетафе»ни мағлуб этиб, рақиб дарвозасига жавобсиз иккита тўп киритди. Натижада, 33-турдан сўнг каталонияликлар ҳисобидаги очколар сони 85 тага етди. Бутун чемпионат давомида «Барселона» бор-йўғи 14 очко йўқотди холос: имкони бўлган 99 очкодан 85 тасини қўлга киритди — 28 ғалаба, бир дуранг ва тўрт мағлубият.

«Барселона» чемпионатнинг ушбу босқичида бундан яхшироқ натижани фақат бир марта қайд этган — Хосеп Гвардиола каталонияликлар бошқарувида ўз фаолиятининг чўққисига чиққан 2010/2011 йилги мавсумда жамоа 33 та ўйиндан сўнг 88 очко жамғарган эди.

Навбатдаги учрашувда «Барса» Памплонада маҳаллий «Осасуна» меҳмони бўлади.