«Барселона»нинг собиқ ярим ҳимоячиси ва мураббийи Хави Каталония клубидаги мураббийлик даври ҳақидаги фикрлари билан ўртоқлашди. Хави жамоани 2021 йилдан 2024 йилгача бошқарган бўлиб, унинг қўл остида «Барселона» 2022/23 йилги мавсумда Испания чемпиони бўлди ва мамлакат Суперкубогини қўлга киритди.
«Мен жуда фахрланаман. Клуб ўз тарихидаги энг оғир даврни бошидан кечираётган эди. Биз жамоани рақобатбардош қилдик ва иккита соврин ютдик. Биз ўзимиздан кейин ҳозирда жамоанинг асосини ташкил этаётган ёш футболчилардан иборат мерос қолдирдик.
Мураббийлик қилиш ўйнашдан кўра анча қийин экан. Мен ишни давом эттира олишимни ҳис қилгандим: Лапорта билан келишиб олгандик, бироқ клубдаги кимдир билан юзага келган шахсий муаммо бизга халақит берди.
Биз ҳозирда Флик ишлаётган яхши пойдеворни яратган эдик. Мен келган пайтимда «Барселона»нинг амалдаги президентидан кўп нарса талаб қилганман, аммо Ла Лигадаги ғалабадан сўнг менинг кутишларим пасайди. Менинг илк мурожаатим шундай бўлганди: мен бу ерга ўз эгоимни қондириш учун эмас, балки ёрдам бериш учун келганман», — деди Хави Ромариога берган интервьюсида.
