Бугун, 28 апрель куни «ПСЖ» Чемпионлар лигаси ярим финали доирасида ўз майдонида Мюнхеннинг «Бавария» жамоасини қабул қилади. Франция президенти Эммануэль Макрон Париждаги ушбу ўйин борасидаги кутишлари билан ўртоқлашди.
«Мен «Марсель»га мухлислик қиламан, лекин бугун оқшом «ПСЖ» ўйнаяпти, шунинг учун мен «ПСЖ»ни қўллаб-қувватлайман. Ўйлайманки, улар 3:1 ҳисобида ғалаба қозонишади!» — дея Макроннинг сўзларини келтиради L’Equipe нашри.
Ярим финал йўлида Луис Энрике шогирдлари Англиянинг икки жамоаси — «Челси» ва «Ливерпуль»ни мағлуб этишди, шунингдек, «Монако»дан устун келишди. «Бавария» эса турнирнинг плей-офф босқичида Италиянинг «Аталанта» ҳамда Мадриднинг «Реал» клублари тўсиғидан ўтишга муваффақ бўлди.
