«Бавария» бош мураббийи Венсан Компани Чемпионлар Лигаси ярим финали доирасида «ПСЖ»га қарши кечадиган жавоб учрашувида мухлисларнинг қўллаб-қувватлашига умид қилмоқда. Баҳс келаси чоршанба, 6 май куни бўлиб ўтади. Мюнхенликлар битта тўп фарқидаги орқада қолишни йўққа чиқаришлари керак — улар Парижда 4:5 ҳисобида имкониятни бой беришди.

«Менинг ягона илтимосим: агар сизда чипта бўлса-ю, лекин ўйин куни ўзингизни яхши ҳис қилмасангиз, чиптангизни «Альянц Арена»га келиб, ушбу улкан қалъанинг бир қисмига айлана оладиган соғлом инсонга беринг», — деди Компани матбуот анжуманида.

Ушбу қарама-қаршилик ғолиби турнир финалида Лондоннинг «Арсенал» ёки Мадриднинг «Атлетико» жамоаси билан куч синашади.