«Bavariya» bosh murabbiyi Vensan Kompani Chempionlar Ligasi yarim finali doirasida «PSJ»ga qarshi kechadigan javob uchrashuvida muxlislarning qo‘llab-quvvatlashiga umid qilmoqda. Bahs kelasi chorshanba, 6 may kuni bo‘lib o‘tadi. Myunxenliklar bitta to‘p farqidagi orqada qolishni yo‘qqa chiqarishlari kerak — ular Parijda 4:5 hisobida imkoniyatni boy berishdi.
«Mening yagona iltimosim: agar sizda chipta bo‘lsa-yu, lekin o‘yin kuni o‘zingizni yaxshi his qilmasangiz, chiptangizni «Alyans Arena»ga kelib, ushbu ulkan qal’aning bir qismiga aylana oladigan sog‘lom insonga bering», — dedi Kompani matbuot anjumanida.
Ushbu qarama-qarshilik g‘olibi turnir finalida Londonning «Arsenal» yoki Madridning «Atletiko» jamoasi bilan kuch sinashadi.
